د ۲۱مې ناحیې اړوند د کابل – جلال آباد تر سړک پورې د بګرامي – لته بند سړک د لومړۍ برخې د جوړولو چارې چې، څه موده وړاندې پیل شوې وې، په چټکۍ سره روانې دي او ټاکل شوې ده د روان کال په بهیر کې بشپړې او ګټې اخیستنې ته وسپارل شي. د سړک جوړونې په دې پروژه کې چې، (۳۳۰۰) متره اوږدوالی او (۶۰ )متره سور لري، د (۴) پلچکونو، د (۷۰۰۰) متر مکعب په اندازه استنادي دیوالونو، لښتیو، پلو لارو او ګلدانونو جوړول، د څراغونو نصبول او په سړک د کرښو اچول هم شامل دي. کابل ښاروالۍ پلان لري ترڅو د یاد سړک د دویمې برخې د جوړولو چارې چې، اوس مهال یې تداکارتي پړاوونه روان دي هم پیل کړي. د دغه سړک په جوړېدو سره به له یوې خوا د کابل په ختیځ زون کې اقتصادي ودې ته زمینه برابره او بله خوا به د هیوادوالو د تګ راتګ په برخه کې ګڼې آسانتیاوې رامنځته شي.