د کارته نو له درېیم سړک څخه د کارته نو تر تپې پورې د ۱۱۰۰ او ۱۵۰۰ مترو په اوږدوالي او د ۱۱.۶ مترو په سور سره د فرعي لیکو د جوړولو چارې په ښه کیفیت او چټکۍ سره روانې دي او ټاکل شوې ده تر راتلونکو ۳ میاشتو پورې بشپړې او ګټې اخیستنې ته وسپارل شي. د فرعي سړکونو د جوړولو په دغه پروژه کې د استنادي دېوالونو، لښتيو، ګلدانونو او پلو لارو جوړول هم شامل دي چې، د هوا له سړېدو وړاندې یې یوه لیکه قیر او د ترافیکو پرمخ پرانیستل شوې ده او اوس مهال یې د دویمې لیکې د بنسټیزې برخې په جوړولو کار روان دی ترڅو هغه هم قیر کولو ته چمتو شي