له ستانکزي څلورلارې څخه بګرامیو پورې د ۲۵۶۱ مترو په اوږدوالي او د ۴۰ مترو په سور سره د سړک د بنسټیزو برخو د جوړولو چارې جریان لري چې، کېندنې، خاورې لېږدول، د لښتیو جوړول او هوارول په بر کې نیسي. د پلو لارو، ګلدانونو، پلچکونو او د بایسکل چلولو لیکو جوړول، د څراغونو نصبول او په سړک د کرښو اچول د دې سړک نورې برخې دي چې، راتلونکو ۸ میاشتو پورې به یې چارې په معیاري توګه بشپړې شي. دا سړک د کابل ښار د سویل زون د ترانسپورتي ستونزو په هوارولو کې ځانګړی ارزښت لري