د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د اتمې ناحیې د ۸م ګذر اړوند د امام ابو حنیفه جومات په سیمه کې د یوه فرعي سړک او څو کوڅو د جوړولو چارې پیل شوې. دغه فرعي سړک او کوڅې چې، په ټولیزه توګه (۸۰۰) متره اوږدوالی او له (۳) څخه تر (۶) مترو پورې سور لري، د لښتیو په ګډون به تر راتلونکو (۳) میاشتو پورې جوړ او ورسره جوخت به د سیمې د اوسېدونکو پر وړاندې شته موسمي ستونزې هوارې شي. پاتې دې نه وي چې، په دې پروژه کې یو شمېر هېوادوالو ته د کار زمینه هم برابره شوې ده.