ښاریانو ته د سیمه ییزو آسانتیاوو رامنځته کولو په موخه، د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د اوومې ناحیې اړوند د ۳۱م ګذر په ده قلندر سیمه کې د کوڅو د کانکریټ کولو چارې د بشپړیدو په حال کې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ د دغو کوڅو د جوړولو چارې به چې، (۹۴۰) متره اوږدوالی او له (۳،۵) څخه تر (۴) مترو سور لري، تر راتلونکې یوې اونۍ پورې بشپړې او ورسره جوخت به د سیمو اوسېدونکو پروړاندې شته موسمي ستونزې هوارې شي.