د اوومې ناحیې اړوند د علاءالدین له درې لارې څخه تر تخنیکم پورې د نوي نښلوونکي سړک د جوړولو چارې چې، څه موده وړاندې د کابل ښاروالۍ له خوا پیل شوې دي، په چټکۍ او ښه کیفیت سره روانې دي دغه سړک چې، (۱۷۶۷) متره اوږدوالی او (۳۰) متره سور لري، د دارالامان سړک له چهلستون سیمې سره نښلوي او د یوه معیاري سړک د ټولو برخو په ګډون به د روان کال په بهیر کې په اساسي توګه جوړ شي. د کابل ښاروالۍ د برنامو او پروژو د تنظیم ریاست انجنیران د دې پروژې د کار د ښه کیفیت او په ټاکلي وخت یې د پلي کېدو په موخه، فني او تخنیکي څارنې ترسره کوي. له علاء الدین درې لارې څخه تر تخنیکم سیمې پورې سړک د ترانسپورتي ستونزو د هوارېدو او د سیمو د اقتصادي ودې په برخه کې ځانګړی ارزښت لري.