د کابل ښاروالۍ له خوا د (۸۳) میلیونه او (۸۱۸) زره افغانیو په لګښت د دوه ویشتمې ناحیې اړوند د بګرامي پروژې لوېدیځ لوري او د بګرامي کلي (کمري سړک) د نوي سړک د جوړولو چارې پیل شوې. د کابل ښاروالۍ د برنامو او پروژو د تنظیم رئیس انجنیر میرالرحمن ناصري په دې وویل: دغه سړک چې (۲۵۸۶) متره اوږدوالی، (۳۱، ۲۶ او ۶.۵ ) متره سور لري، د اوبو لېږدولو د یوه لوی کانال، لښتیو، پلو لارو، ګلدانونو، په سړک د کرښو اچولو او د یوه معیاري سړک د نورو برخو په ګډون به د یوه کال په موده کې جوړ شي. نوموړي زیاته کړه چې، د دې سړک په جوړېدو سره به د کمري او نورو ورڅېرمه سیمو اوسېدونکو ته ګڼې ترانسپورتي آسانتیاوې رامنځته او د سیمو اقتصادي ودې ته به زمینه برابره شي.