د وزیر محمد اکبرخان سیمې د ۱۳، ۱۴ او ۱۵ فرعي سړک د جوړولو چارې روانې دي او ټاکل شوې ده راتلونکو څه کم دوه میاشتو پورې یې چارې بشپړې او ګټې اخیستنې ته وسپارل شي. دا سړکونه د لښتیو په ګډون په ټولیزه توګه ۱۱۶۰ متره اوږدوالی او له ۱۲ څخه تر ۱۳.۵ مترو پورې سور لري چې، د یوه سړک کانکرېټ چارې یې بشپړې شوې دي او د پاتې دوو سړکونو په خاورینه برخه یې کار روان دی او ډېر ژر به کانکرېټ چارو ته چمتو شي. د دې سړکونو په جوړېدو سره به د سیمې اوسېدونکو ته یو شمېر اسانتیاوې رامنځته او د ورڅېرمه سیمو په ترافیکي ګڼه ګوڼه کې به د پام وړ کموالی راشي.