د کابل ښاروالۍ د زرغونتیا رياست د بېلا بېلو نيالګيو د کېنولو تر څنګ، د مرنجان په تپه او زنبق څلورلارې ته د غځېدلي سړک په ګلدان کې زرګونه د مرسل، شمشاد او نور فصلي ګلان کېنول. د کابل ښاروالۍ د زرغونتیا رئیس مولوي عبدالوکیل متوکل په دې اړه وویل: د ښار د ښکلا او زرغونتیا په موخه، د ښار په ځینو برخو کې د ډول ډول نیالګیو او زینتي ګلانو کېنول دوام لري او هیله یې څرګنده کړه، چې ښاریان به د نیالګیو او ګلانو په ساتنه او پالنه کې له کابل ښاروالۍ سره مرسته وکړي. په کابل ښار کې د زرغونو سیمو د پراختیا لپاره پر لپسې فعالیتونه دوام لري او اړتیا ده چې، د ګلانو، نیالګیو او زرغونو سیمو ساتنه او پالنه هېره نه کړو