د مکروریانو له څلورلارې څخه تر تنګي غارو پورې ( د کابل- جلال آباد سړک د لومړۍ برخې) د جوړولو چارې چې، تېر کال پیل شوې دې تر دې دمه ۳۰ سلنه مخته تللې دي او ټاکل شوې ده د روان کال تر پایه بشپړې شي. دا سړک ۹۳۹۷ متره اوږدوالی او ۶۰ متره سور لري چې، اوس مهال یې د لښتیو جوړولو، خاروې لېږدولو، کیندنو او هوارولو چارې روانې دي او له بېلابېلو پړاونو څخه یې د برنامو او پروژو د تنظیم ریاست له لوري تخنیکي او فني څارنې ترسره کېږي. له مکروریانو څلورلارې څخه تر تنګي غارو پورې سړک په دوه لیکو کې د لښتیو، پلو لارو، ګلدانونو، تم ځایونو، د ترافیکي نښو او څراغونو په ګډون جوړېږي چې، په جوړېدو سره به یې د ختیځ زون اقتصادي ودې ته زمینه برابره او د کابل- جلال آباد سړک د ګڼه ګوڼې ستونزه به په بنسټيزه توګه هواره شي