په کابل ښار کې د ترافیکي او ترانسپورتي زیربناو د پراختیا په موخه، په لومړۍ ناحیه کې د شوربازار سړک د جوړولو چارې روانې دي او ټاکل شوې ده تر راتلونکو (۳) میاشتو پورې بشپړې شي. دغه سړک چې له سپاهي ګمنام چوک څخه د باغ قاضي تر سړک پورې (۲۹۳) متره اوږدوالی او (۲۵) متره سور لري، د لښتیو، پلو لارو، ګلدانونو، څراغونو نصبولو او په سړک د کرښو اچولو په ګډون به په اساسي توګه جوړ، او ورسره جوخت به له یوې خوا په یاده سیمه کې ترافیکي ستونزې هوارې او بله خوا به ښاریانو ته د تګ راتګ په برخه کې ګڼې آسانتیاوې رامنځته شي. د یادونې وړ ده چې، د کابل ښاروالۍ د برنامو او پروژو د تنظیم ریاست انجنیران د یادې پروژې له بېلابېلو پړاونو څخه تخنیکي او فني څارنې ترسره کوي