د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د دوه ویشتمې ناحیې په ۱۷م ګذر کې د یوه فرعي سړک کانکرېټ چارې روانې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ دغه سړک چې، (۵۴۰) متره اوږدوالی او (۶) متره سور لري، د لښتیو په ګډون یې تر دې دمه (۸۵) سلنه چارې مخته تللې دي او ټاکل شوې ده تر راتلونکو (۱۵) ورځو پورې بشپړې شي. یاده پروژه له ښاري آسانتیاوو څخه د محرومو سیمو د اوسېدونکو د ستونزو د حل په موخه طرحه او پلې کېږي.