د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د دوه ویشتمې ناحیې اړوند د درېیم ګذر په حسین خیلو سیمه کې د (۳) فرعي سړکونو د جوړولو چارې پیل شوې. د کابل ښاروالۍ د برنامو او پروژو د تنظیم ریاست د معلوماتو له مخې؛ دغه سړکونو چې په ټولیزه توګه (۱۰۳۶) متره اوږدوالی او له (۴.۷) څخه تر (۵.۷) مترو پورې سور لري، د (۳) میاشتو په موده کې به په اساسي توګه جوړ شي.یاده پروژه له ښاري آسانتیاوو څخه د محرومو سیمو د اوسېدونکو د ستونزو د حل او دوی ته د کاري بوختیاوو رامنځته کولو په موخه د پلي کېدو په حال کې ده