د ۲۱مې ناحیې اړوند د کابل – جلال آباد تر سړک پورې د بګراميو – لته بند سړک د لومړۍ برخې د جوړولو چارې چې،کیندنې، خاورې لېږدول او هوارول په بر کې نیسي روانې دي. دا سړک د ۳۳۰۰ مترو په اوږدوالي او د ۶۰ مترو په سور سره د۴ پلچکونو، د ۷۰۰۰ متر مکعب په اندازه استنادي دیوالونو، لښتیو، پلو لارو او ګلدانونو جوړولو، د څراغونو نصبولو او په سړک د کرښو اچولو په ګډون د جوړېدو په حال کې دی چې، د روان کال په بهیر کې به یې چارې بشپړې شي. د یادونې وړ ده چې، د یاد سړک د دویمې برخې د جوړولو چارې به هم ډېر ژر تر تدارکاتي پړاونو وروسته پیل شي. د دې سړک په جوړېدو سره به له یوې خوا د کابل د ختیځ زون اقتصادي ودې ته زمینه برابره او له بلې خوا به هېوادوالو ته د تګ راتګ په برخه کې ګڼې آسانتیاوې رامنځته شي