د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د څوارلسمې ناحیې اړوند د لومړي ګذر د پراچي په سیمه کې د یوه فرعي سړک د جوړولو چارې پیل شوې. د کابل ښاروالۍ د برنامو او پروژو د تنظیم ریاست د معلوماتو له مخې؛ دغه سړک چې (۷۳۰) متره اوږدوالی او (۷) متره سور لري، د لښتیو او (۳) پلچکونو په ګډون به د دوه نیمو میاشتو په موده کې په معیاري توګه جوړ او ورسره جوخت به د سیمې د اوسېدونکو پر وړاندې شته ستونزې هوارې او ټولنیزو آسانتیاوو ته به لاس رسی ومومي. د یادونې وړ ده چې، په دې پروژه کې یو شمېر هېوادوالو ته د کار زمینه هم برابره شوې ده