د کابل ښاروالۍ د کار ساتنې او مراقبت ریاست له لوري د کارته نو سړک په اوږدو کې د سطحي اوبو د ستونزې هوارولو په موخه د یاد سړک په اوږدو کې د ۱۲ مترو په اوږدوالي، ۲.۷ مترو په سور او ۲.۵ مترو په ژوروالي سره د یوه لښتي او پلچکونو جوړولو په اړه اقدام شوی دی. دا کار د زیانمنونکو سیمو تر پېژندلو وروسته د ترسره کېدو په حال کې دی څو لښتی په معیاري توګه ورغول شي او په یاده سیمه کې د اوبو ډنډ کېدو شاهدان و نه اوسو. د یادونې وړ ده چې، د منهولونو جوړول، د سلبونو بُرش کول، د کالوردونو نصبول او له کانالونو سره د لښتیو نښلول د سطحي اوبو د مدیریت په برخه کې د کابل ښاروالۍ له مهمو فعالیتونو څخه شمېرل کېږي