د کابل ښاروالۍ لخوا او د ملګرو ملتونو د پروژوي خدمتونو د دفتر په مرسته، د شلمې ناحیې اړوند د نهم ګذر په ګلباغ سیمه کې د (۹۹۵) مترو په اوږدوالی او (۵) متره په سور سره د یو فرعي سړک د جوړولو چارې روانې دي. د دې فرعي سړک د جوړولو په پروژه کې د سړک غاړې لښتیو جوړول هم شامل دي، چې تر راتلونکې یوې میاشت پورې به په معیاري ډول جوړ او ورسره جوخت به د سیمې د اوسیدونکو ستونزې حل او دوی به ټولنیزو آسانتیاوو ته لاسرسی پیدا کړي. د یادونې وړ ده چې، د دې پروژې له لارې، یو شمیر هیوادوالو ته کاري فرصتونه هم برابر شوي دي.