د سرای شمالي له څلورلارې څخه د نادريې لیسې تر څلورلارې پورې د بادام باغ سړک د جوړولو او پراختیا چارې په چټکۍ او لوړ کیفیت سره روانې دي. دغه سړک چې (۳۲۸۹) متره اوږدوالی، (۲۰) او (۳۰) متره سور لري، د یوه معیاري سړک د ټولو برخو په ګډون به د روان کال په بهیر کې جوړ شي. د کابل ښاروالۍ مشرتابه ټینګار کوي چې، د سړک جوړونې پروژې باید د طرحه شوي ډیزاین او تخنیکي سندونو مطابق په ښه کیفیت، ټاکلي وخت او رښتینولۍ ترسره شي او دا اداره هېڅ چاته اجازه نه ورکوي چې، د بې کیفیته کار په ترسره کولو سره د ملي شتمنۍ د بې ځایه لګښت او د فرصتونو د ضایع کېدو لامل وګرځي