د لسمې ناحیې اړوند د وزیر محمد اکبر خان سیمې د ۱۳م، ۱۴م او ۱۵م فرعي سړکونو کانکریټ چارې روانې دي. د سړک جوړولو په دغه پروژه کې چې په ټولیزه توګه، (۱۱۶۰) متره اوږدوالی او له (۱۲) څخه تر (۱۳.۵) مترو پورې سور لري، د پلو لارو او لښتیو جوړول هم شامل دي، او ټاکل شوې ده د نږدې یوې میاشتې په موده کې بشپړ او ګټې اخیستنې ته وسپارل شي. د یادو سړکونو په بشپړیدو سره به د سیمې د اوسېدونکو پر وړاندې شته ستونزې هوارې او د ور څېرمه سړکونو ترافیکي بهیر به وویشل شي