د پنځمې ناحیې اړوند د پنځم ګذر په افشار سیمه کې د یو فرعي سړک او څلورو کوڅو د جوړولو چارې د کابل ښاروالۍ لخوا او د ملګرو ملتونو د پروژوي خدمتونو د دفتر په مرسته پیل شوې. د کابل ښاروالۍ د برنامو او پروژو د تنظیم ریاست د معلوماتو له مخې، په دې پروژه کې چې، (۵۸۹) متره اوږدوالی او له (۱.۸) څخه تر (۶) متره پورې سور لري، د لښتیو جوړول هم شامل دي، چې په راتلونکو دریو میاشتو کې به په معیاري او اساسي ډول بشپړ شي. پاتې دې نه وي چې، د دې پروژې له لارې د سیمې یو شمېر اوسېدونکو ته د کار زمینه هم برابره شوې ده.