د لومړۍ ناحیې اړوند د پل خشتي او سپاهي ګمنام چوک په سیمه کې د ځمکې لاندې مارکیټ د پاسه، د (۲۰۰) مترو په اوږدوالي او (۳۰) متره سور سره، د سړک جوړولو چارې روانې دي، او ټاکل شوې ده چې ډېر ژر به قیر او د ترافیکو پر مخ پرانیستل شي. دغه سړک په یاده سیمه کې د ځمکې لاندې مارکېټ د جوړولو له امله ویجاړ شوی ؤ، چې اوس مهال د نوي ډیزاین له مخې په معیاري ډول د جوړېدو په حال کې دی. یاد ماکیټ په (۷۲۸۰) مترمربع مساحت سره د کابل ښار د اقتصادي ودې لپاره په یوه پوړ کې ډیزاین شوی چې، (۳۴۰) هټۍ، د ننوتلو او وتلو دروازې، تشنابونه، ښاري او لمریزې بریښنا، امنیتي او اور وژنې سیسټمونه هم پکې شامل دي