د کابل ښاروالۍ د کار، ساتنې او څارنې ریاست له خوا د پنځمې، شپږمې او ديارلسمې ناحیو اړوند له دیوان بیګي سیمې څخه تر مهتاب قلعه پورې د (۱۷۳۳) مترو په اوږدوالي او (۳۰) مترو په سور سره د نوي نښلونکي سړک او د دغه سړک په اوږدو کې د کابل سیند د پاسه د یوه موټریز پله د جوړولو چارې روانې دي او ټاکل شوې ده چې د روان کال په اوږدو کې به بشپړ او ګټې اخیستنې ته وسپارل شي. د یادولو وړ ده چې، دلښتیو، پلولارو، ګلدانونو او د بایسکل چلولو لیکو جوړول، په سړک د کرښو اچول او د څراغونو نصبول هم په دې پروژه کې شامل دي