د ښاري تاسیساتو د ساتنې په موخه د کابل ښاروالۍ د کار ساتنې او مراقبت ریاست له لوري له کارته مامورین درې لارې څخه د قمبر تر څلورلارې پورې د سړک د زیانمنو برخو د بیارغونې چارې پیل شوې. د یاد سړک یو شمېر برخې د وخت په تېرېدو زیانمنې او ویجاړې شوې وې چې، تر تخنیکي او فني مطالعاتو وروسته د پرمختللې ماشینرۍ په وسیله په معیاري توګه بیارغول کېږي. د دې سړک د بیارغونې په چارو کې قیر او کرک سیلینګ شامل دي ترڅو د سړک له ډېر ویجاړېدو څخه مخنیوی وشي. د یادونې وړ ده چې، کابل ښاروالۍ به د ښار په کچه د نورو هغو سړکونو په اړه هم چې، بیارغونې ته اړتیا لري اقدام وکړي