د کابل ښاروالۍ د کار، ساتنې او څارنې ریاست لخوا د کابل شمال - لویدیځ نښلوونکي سړک د جوړولو پاتې چارې،(د غره د لمنو کیندل، د لښتیو او پلولارو جوړول) روانې دي. دغه لوی نښلونکی سړک د ذاکرین له ښارګوټي څخه تر قرغې سړک پورې د پنځمې او اوولسمې ناحیې اړوند سیمو کې د (۷،۶۴۵) مترو په اوږدوالي او (۳۰) مترو په سور سره ډیزاین شوی، چې تر اوسه پورې یې څه باندې (۷) کیلومتره برخه جوړه شوې ده. د یاد سړک په جوړیدو سره به له یوې خوا له شمالي ولایتونو څخه د کابل لویدیځ ته ترافیکي بهیر وویشل شي، او بله خوا به د سرای شمالي په سیمه او د کابل ښار دننه سړکونو کې ترافیکي ګڼه ګوڼه کمښت ومومي