د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د یو ویشتمې ناحیې د دویم ګذر اړوند د څرخي پله په غازي آباد سیمه کې د یوه فرعي سړک د کانکرېټ چارې پیل شوې. دغه سړک چې، (۹۷۰) متره اوږدوالی او له (۴.۵) څخه تر (۵) مترو پورې سور لري، د لښتیو په ګډون به د نږدې دوه میاشتو په موده کې بشپړ او ورسره جوخت به د سیمې د اوسېدونکو ګڼې ستونزې هوارې شي. پاتې دې نه وي چې، په دې پروژه کې یو شمېر هېوادوالو ته د کار زمینه هم برابره شوې ده.