د اوومې ناحیې اړوند د علاءالدین له درې لارې څخه تر تخنیکم پورې د ۱۷۶۷ مترو په اوږدوالي او د ۳۰ مترو په سور سره د نوي نښلوونکي سړک چارې چې، کیندنې، خاورې لېږدول، هوارول او د لښتیو جوړول په بر کې نیسي روانې دي. دا سړک د دارالامان سړک له چهلستون سړک سره نښلوي چې، د یوه معیاري سړک د ټولو جزئیاتو په ګډون به یې چارې د روان کال په بهیر کې په اساسي توګه بشپړې شي. د کابل ښاروالۍ د برنامو او پروژو د تنظیم ریاست انجنیران د دې پروژې د کار له کیفیت څخه په دوامداره توګه فني او تخنیکي څارنې ترسره کوي. د دې سړک جوړېدل د ترانسپورتي ستونزو د هوارېدو او د اوومې ناحیې د اقتصادي ودې په برخه کې ځانګړی ارزښت لري