د کابل ښاروالۍ له خوا د ملګرو ملتونو د پروژوي خدمتونو د دفتر په مرسته د لسمې ناحیې په لسم ګذر قلعه خاطر سیمه کې د څلورو کوڅو د جوړولو چارې روانې دي. دا کوڅې په ټولیزه توګه ۹۸۰ متره اوږدوالی او له ۳ څخه تر ۴ مترو پورې سور لري چې، چارې به یې د دوه نیم میاشتو په موده کې په اساسي توګه بشپړې شي. د دې کوڅو په جوړېدو سره به د سیمې د اوسېدونکو د خاورو او خټو ستونزې هوارې او یو شمېر ټولنیزو او ترانسپورتي آسانتیاوو ته به لاس رسی ومومي.