د اتمې او شپاړلسمې ناحیو اړوند له کارته نو ( د اوبو رسونې شرکت له څنګ) څخه د قلعه زمان خان تر عمومي سړک پورې د نوي نښلوونکي سړک د جوړولو چارې په عادي توګه روانې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ دا سړک۳۰۷۰ متره اوږدوالی او ۳۰ متره سور لري چې، د استنادي دېوالونو، لښتیو، پلو لارو، ګلدانونو، د بایسکل چلولو لیکو، کرښو اچولو او د یوه معیاري سړک د نورو برخو په ګډون به په اساسي توګه جوړ شي. د یادې پروژې د کار له کیفیت څخه د کابل ښاروالۍ انجنیران په دوامداره توګه فني او تخنیکي څارنې ترسره کوي ترڅو دا پروژه په ټاکلي وخت بشپړه او ګټې اخیستنې ته وسپارل شي