د کابل ښاروالۍ له خوا او د ملګرو ملتونو د پروژوي خدمتونو دفتر په مرسته، د اتمې ناحیې د ۴۶م ګذر اړوند د سیاه سنګ په سیمه کې د یو فرعي سړک کانکریټ چارې روانې دي، او ټاکل شوې ده تر راتلونکې یوې میاشتې پورې بشپړې او ګټې اخیستنې ته وسپارل شي. د کابل ښاروالۍ د برنامو او پروژو د تنظیم ریاست د غیر اختیاري پروژو آمر، انجنیر ذبیحالله "رحیمي"وايي، دغه سړک چې په ټولیزه (۱۰۸۵) متره اوږدوالی او (۶) متره سور لري، په جوړېدو سره به یې د سیمې د اوسېدونکو ستونزې هوارې شي. د یادونې وړ ده چې، په دې پروژه کې یو شمېر ښاریانو ته د کار زمینه هم برابره شوې ده