له بیني حصار ( له کابل- لوګر سړک) څخه تر ستانکزي څلورلارې پورې د سړک جوړونې چارې روانې دي او ډیر ژر به قیر کولو ته چمتو شي. د سړک جوړونې په دغه پروژه کې چې، (۱۶۵۵) متره اوږدوالی او (۴۰) متره سور لري، دلښتیو، پلولارو او ګلدانونو جوړول، په سړک د کرښو اچول،د څراغونو نصبول او د یوه معیاري سړک نورجزیات هم شامل دي. د یاد سړک په جوړېدو سره به له یوې خوا د کابل ښار اقتصادي ودې ته زمینه برابره شي او بله خوا به د کابل- لوګر سړک ترافیکي ګڼه ګوڼه کمښت ومومي. پاتې دې نه وي چې، د کابل ښاروالۍ د برنامو او پروژو د تنظیم ریاست انجنیران په دوامداره توګه د دې پروژې له پلي کېدو څخه فني او تخنیکي څارنه کوي