د لسمې ناحیې اړوند د وزیر محمد اکبر خان سیمې د ۱۳م، ۱۴م او ۱۵م فرعي سړکونو کانکریټ چارې د بشپړېدو په حال کې دي. د سړک جوړولو په دې پروژه کې چې، په ټولیزه توګه (۱۱۶۰) متره اوږدوالی، (۱۲ او ۱۳.۵) متره سور لري، د پلو لارو او لښتیو جوړول هم شامل دي، او ټاکل شوې ده ډېر ژر بشپړه او ګټې اخیستنې ته وسپارل شي. د یادو سړکونو په جوړېدو سره به د سیمې د اوسېدونکو پر وړاندې شته ستونزې هوارې او په ور څېرمه سړکونو کې به ترافیکي ستونزې له منځه ولاړې شي