د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د اوومې ناحیې د لومړي ګذر اړوند په ګذرګاه سیمه کې د یوه فرعي سړک او څلورو کوڅو د جوړولو چارې روانې دي. د کابل ښاروالۍ د برنامو او پرژو د تنظیم ریاست د معلوماتو له مخې، دغه پروژه چې، په ټولیزه توګه (۶۸۰) متره اوږدوالی او له (۳) څخه تر (۵) مترو سور لري، د لښتیو او (۱۱۰۰) متر مکعب استنادي دیوال په ګډون به تر راتلونکو دوه میاشتو پورې په اساسي توګه بشپړه او ورسره جوخت به د سیمې اوسېدونکو ته ترانسپورتي او ټولنیزې آسانتیاوې رامنځته شي. پاتې دې نه وي چې، په دې پروژه کې یو شمېر هېوادوالو ته د کار زمینه هم برابره شوې ده