د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د دوه ویشتمې ناحیې اړوند د درېیم ګذر په حسین خیلو سیمه کې د (۳) فرعي سړکونو د جوړولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ دغه سړکونه چې په ټولیزه توګه (۱۰۳۶) متره اوږدوالی او له (۴.۵) څخه تر (۵.۷) مترو پورې سور لري، د لښتیو په ګډون به تر راتلونکو دوه میاشتو پورې جوړ شي. دغه پروژه له ښاري آسانتیاوو څخه د محرومو سیمو اوسېدونکو د ستونزو د حل او دوی ته د کاري بوختیاوو رامنځته کولو په موخه د پلي کېدو په حال کې ده