د پنځمې ناحیې اړوند د قمبر له څلورلارې څخه تر څلوېښت متره سړک پورې د سړک دویمه طبقه قیر چارې روانې دي او هڅه کېږي چې هرڅه ژر بشپړې او یاد سړک د ترافیکو پرمخ پرانیستل شي. د کابل ښاروالۍ د برنامو او پروژو د تنظیم ریاست د معلوماتو له مخې، دغه سړک چې، (۵۵۸) متره اوږدوالی او (۴۶) متره سور لري، د لښتیو، پلو لارو، ګلدانونو او د یوه معیاري سړک د نورو جزئیاتو په ګډون به ډېر ژر بشپړ او ورسره جوخت به د قرغې بند تفریحي سیمې او کمپنۍ ته تلونکو هېوادوالو ته د تګ راتګ په برخه کې آسانتیاوې رامنځته شي