د شپاړلسمې ناحیې اړوند د قلعه زمان خان له شپېته متره سړک څخه د کابل- جلال آباد تر سړک پورې د ۱۶۴۵ مترو په اوږدوالي او د ۳۰ مترو په سور سره د نوي نښلوونکي سړک د جوړولو چارې روانې دي. دا سړک د ۲۰۱ مترو په اوږدوالي، ۱.۵ مترو په سور او د ۱.۵ مترو په ژوروالي یوه کانال، د ۱۷، ۳۱ او ۴۵ مترو په اوږدوالي او د ۱.۵ مترو په سور ۳ پلچکونو او د کابل سیند د پاسه د موټرو د تګ راتګ یوه پله په ګډون د جوړېدو په حال کې دی. د کابل ښاروالۍ د برنامو او پروژو د تنظیم ریاست انجنیران د یاد سړک د جوړېدو له چارو تخنیکي او فني څارنې ترسره کوي. له قلعه زمان خان څخه د کابل- جلال آباد تر سړک پورې د دې سړک په جوړېدو سره به د سیمې د اوسېدونکو ترانسپورتي ستونزې هوارې او د سیمو اقتصادي ودې ته به زمینه برابره شي