د اتمې او شپاړلسمې ناحیو اړوند د کارته نو له سړک ( د اوبو رسونې شرکت له څنګ) څخه د قلعه زمان خان تر عمومي سړک پورې د نښلوونکي سړک جوړولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ دا سړک ۳۰۷۰ متره اوږدوالی او ۳۰ متره سور لري چې، د لښتیو، استنادي دیوال، پلو لارو، ګلدانونو، د بایسکل چلولو لیکو، څراغونو نصبولو او په سړک د کرښو اچولو په ګډون به په معیاري توګه جوړ شي. د یاد سړک د کار د کیفیت د تضمین په موخه د برنامو او پروژو د تنظیم ریاست د انجنیرانو له لوري په دوامداره توګه تخنیکي او فني څارنې ترسره کېږي ترڅو دا پروژه په ښه کیفیت او ټاکلي وخت بشپړه شي