د نهمې ناحیې اړوند د شش درک په سیمه کې د شپږو فرعي سړکونو د جوړولو چارې چې، کیندنې، خاورې لېږدول او د لښتیو جوړول په بر کې نیسي روانې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ دا پروژه په ټولیزه توګه ۱۵۰۷ متره اوږدوالی او ۱۳ او ۲۴ متره سور لري چې، د لښتیو، پلو لارو، ګلدانونو او د څراغونو نصبولو په ګډون په اساسي توګه د جوړېدو په حال کې دي او چارې به یې تر راتلونکو اتو میاشتو پورې بشپړې شي. د نهمې ناحیې د مرستیال مولوي عبدالغفور غفوري په وینا؛ مخکې د یادې سیمې ښاریان د سړکونو د خاموالي له امله له ګڼو ستونزو سره مخ وو چې، د نهمې ناحیې د ریاست په وړاندیز یې ستونزو ته رسېدنه وشوه او د یادو سړکونو د جوړولو په اړه اقدام وشو