د اتمې ناحیې اړوند د کارته نو له درېیم سړک څخه د کارته نو تر تپې پورې د (۱۱۰۰) او (۱۵۰۰) مترو په اوږدوالي او (۱۱.۶) مترو په سور سره د فرعي لیکو د جوړولو چارې (۹۰) سلنه مخته تللې دي او هڅه کېږي چې، تر راتلونکې یوې میاشتې پورې بشپړې شي. د یاد سړک ښۍ خوا ته یوه لیکه تر دې وړاندې قیر او د ترافیکو پرمخ پرانیستل شوې ده، او کین خواته لیکه یې هم قیر کولو ته چمتو شوې ده. دغه فرعي سړکونه د استنادي دیوالونو، پلچکونو، لښتیو، ګلدانونو، او د پلو لارو په ګډون د جوړېدو په حال کې دي چې، په بشپړېدو سره به یې ښاریانو ته د تګ راتګ په برخه کې ګڼې آسانتیاوې رامنځته شي