د دولسمې ناحیې اړوند د احمد شاه بابا مېنې د دویم بلاک له ګولایۍ څخه د امنیت ښارګوټي تر سړک پورې د سړک دویمه طبقه قیر چارې د کابل ښاروال مولوي عبدالرشید تر څارنې لاندې په داسې حال چې، د ودانیزو چارو مرستیال انجنیر عامر زمرک یاسر یې ملتیا کوله پیل شوې. د یاد سړک دویمه طبقه قیر چارې په لابراتوار کې د اړتیا وړ توکو تر فني آزمایښت وروسته ترسره شوې، چې دا کار د ښاري زیربناو د کیفیت د تضمین په برخه کې له ځانګړي اهمیت څخه برخمن دی. د دولسمې ناحیې اړوند د احمد شاه بابا مېنې د دویم بلاک له ګولایۍ څخه د امنیت ښارګوټي تر سړک پورې نښلوونکی سړک چې، (۷۲۸) متره اوږدوالی او (۴۰) متره سور لري، د یوه معیاري سړک د ټولو جزئیاتو په ګډون به تر راتلونکو نږدې دوه میاشتو پورې په معیاري او اساسي توګه جوړ او ورسره جوخت به د احمد شاه بابا مېنې د دویم بلاک د ګولایۍ سیمې او د امنیت ښارګوټي اوسېدونکو ته ګڼې آسانتیاوې رامنځته او د سیمو اقتصادي ودې ته به زمینه برابره شي