ښاریانو او هټیوالو او ته د آسانتیاوو د برابرولو په موخه، د کابل ښاروالۍ د کار، ساتنې او څارنې ریاست له خوا د ۱۶مې ناحیې اړوند د بګراميو منډوي د سړکونو د جوړولو چارې چې، په ټولیزه توګه (۱۷۱۶) متره اوږدوالی،(۱۶) او (۳۰) متره سور لري روانې دي. د بګراميو منډوی (۱۶۴) جریبه مساحت لري، چې د اړتیاوړ توکو، میوو او سبزیجاتو پلورونکي پکې فعالیت کوي. کابل ښاروالۍ په پام کې لري چې، د دغه منډوي فعالیت کوونکو ته ګڼې آسانتیاوې برابرې کړي، تر څو له یوې خوا د اقتصادي فعالیتونو ودې او پراختیا ته زمینه برابره کړي، او له بلې خوا به د ښاروالۍ له دغه ملکیت څخه غوره ګټه اخیستنه تامین شي. د یادونې وړ ده چې، تر اوسه پورې د دغو سړکونو د بنسټیزو برخو او د لښتیو په جوړولو کې د پام وړ پرمختګ شوی دی