د ۱۴مې ناحیې اړوند د پغمان پخواني سړک د جوړولو او پراختیا چارې د کابل ښاروالۍ د کار، ساتنې او څارنې ریاست له خوا په چټکۍ سره روانې دي چې، ډیر ژر به قیرکولو ته چمتو شي د قرغې له بند څخه د پغمان تر طاق ظفر پورې سړک چې (۹۱۵۳) متره اوږدوالی او (۷) متره سور لري، د روان کال په بهیر کې به په معیاري توګه جوړ او ورسره جوخت به د څوارلسمې ناحیې د اوسیدونکو او د پغمان تفریحي سیمې ته د تلونکو هیوادوالو لپاره ګڼې آسانتیاوې رامنځته شي.