له جوی شیر څخه تر دهمزنګ پورې د سړک جوړولو او پراختیا چارې روانې دي، او هڅه کیږي چې، د روان کال په بهیر کې بشپړ او ګټې اخیستنې ته وسپارل شي. دغه پروژه په دوه برخو کې طرحه شوې ده چې، لومړۍ برخه یې د دویمې ناحیې اړوند له جوی شیر څخه تر پُل ارتل پورې (۸۲۰) متره اوږدوالی او (۴۵) متره سور او دویمه برخه یې د درېیمې ناحیې اړوند له پُل آرتل څخه تر دهمزنګ پورې (۱۰۴۰) متره اوږدوالی او (۶۰) متره سور لري. دا سړک به د کانال، استنادي دیوال، لښتیو، پلو لارو، ګلدانونو، د بایسکل چلولو لیکو او کرښو اچولو په ګډون په اساسي توګه جوړ شي. د یاد سړک په جوړیدو سره به له یوې خوا د ښار په مرکزي برخه کې ګڼه کوڼه کمه او بله خوا به د سیمو اقتصادي ودې ته زمینه برابره شي