د درېیمې ناحیې اړوند له کارته سخي څخه د پوهنتون تر وروستي تم ځای پورې د کابل پوهنتون سړک د بیارغونې چارې د کابل ښاروالۍ د کار، ساتنې او مراقبت ریاست له خوا روانې دي. د کابل ښاروالۍ د کار، ساتنې او مراقبت ریاست د کارکوونکي انجنیر عبدالروف شریفي په وینا؛ د یاد سړک ځیني برخې چې د وخت په تېرېدو سره زیانمنې شوې وې، تر فني او تخنیکي څېړنو وروسته د پرمختللې ماشینرۍ په وسیله بیارغول کېږي. د یاد سړک (۸۴۰۰) متر مربع برخه چې، لښتي، پلې لارې، او د سړک د دواړو خواوو جدولونه هم پکې شامل دي بیارغول کیږي. د یادونې وړ ده چې، د ښاري زیربناو د ساتنې په موخه به، د ښار یو شمېر سړکونه تر فني او تخنیکي څیړنو وروسته په اساسي توګه بیا ورغول شي