د نادریې لېسې له څلور لارې څخه تر قمبر څلور لارې پورې د سړک د جدولونو د بیا رغونې او نصبولو چارې، چې څه موده وړاندې د کابل ښاروالۍ د کار، ساتنې او مراقبت ریاست له خوا پیل شوې دي، اوس د بشپړیدو په حال کې دي. دې پروژې د پلي کېدو په بهیر کې، هغه جدولونه چې د بیا رغونې وړ نه ؤ، پر ځای یې نوي جدولونه نصب شوي، او پاتې نور جدولونه په معیاري او اساسي ډول بیارغول شوي دي. د سړک غاړې جدولونه د ترافیکي بهیر په تنظیمولو، د ښاري ښکلا او د زرغونو سیمو (ګلدانونو) په پراختیا کې ځانګړی اهمیت لري، له همدې امله یې د بیا رغولو په اړه اقدام وشو، چې په راتلونکي کې به رنګ هم شي