له بني حصار سیمې (د کابل- لوګر سړک) څخه د ستانکزي تر څلورلارې پورې د (۱۶۵۵) مترو په اوږدوالي او (۴۰) مترو په سور د نښلوونکي سړک د بنسټیزو برخو د جوړولو چارې روانې دي تر څو هر څه ژر قیر کولو ته چمتو شي. د سړک جوړولو په دې پروژه کې د سړک غاړې لښتیو، پلولارو او ګلدانونو جوړول، د څراغونو نصبول او په سړک د کرښو اچول هم شامل دي. د یاد سړک په جوړیدو سره به له یوې خوا د کابل- لوګر پر سړک ترافیکي ګڼه ګوڼه کمښت ومومي او بله خوا به د سیمې اقتصادي ودې ته زمینه برابره شي