د لسمې ناحیې په ۲۴ م ګذر کې د (۶۹۲) مترو په اوږدوالي، او (۵.۶) مترو په سور سره د یوه فرعي سړک د جوړولو چارې د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته پیل شوې. د کابل ښاروالۍ د برنامو او پروژو د تنظیم ریاست د معلوماتو له مخې، دغه پروژه چې د لښتیو جوړول هم پکې شامل دي، د دریو میاشتو په موده کې به بشپړه، او ورسره جوخت به د سیمې د اوسېدونکو پر وړاندې شته ستونزې حل شي. د یادولو وړ ده چې، په دې پروژه کې یو شمیر هېوادوالو ته د کار زمینه هم برابره شوې ده