د اوومې ناحیې د درېیم ګذر اړوند د چهلستون (جنګلک) په سیمه کې د (۶۸۴) مترو په اوږدوالي او له (۳) څخه تر (۴) مترو په سور سره، د دوو کوڅو کانکریټ چارې تر اوسه (۹۵) سلنه پرمخ تللې دي او ټاکل شوې ده چې تر راتلونکې یوې اونۍ پورې بشپړې شي. دغه پروژه د ښاري ستونزو د له منځه وړلو، د سړکونو د ښه والي او ښاریانو ته د کاري فرصتونو د رامنځته کولو په موخه، د کابل ښاروالۍ لخوا او د ملګرو ملتونو د پروژوي خدمتونو د دفتر په مرسته پلې کېږي. د کابل ښاروالۍ د برنامو او پروژو د تنظیم ریاست انجنیران د چارو د کیفیت او چټکتیا په موخه، د دې پروژې له بېلابېلو پړاوونو څخه په دوامداره توګه فني او تخنیکي څارنې ترسره کوي. پاتې دې نه وي چې، په دې پروژه کې د لښتیو جوړول هم شامل دي