د ۱۳ مې ناحیې د ۴۶م ګذر اړوند په خواجه عبدالله انصاري سیمه کې د یوه فرعي سړک د کانکریټ چارې، د کابل ښاروالۍ له خوا د ملګرو ملتونو د پروژوي خدمتونو د دفتر په همکارۍ روانې دي او ټاکل شوې ده چې په راتلونکو لسو ورځو کې بشپړ او ګټې اخیستنې ته وسپارل شي. د کابل ښاروالۍ د برنامو او پروژو د تنظیم ریاست د معلوماتو له مخې، د سړک جوړولو په دې پروژه کې چې (۷۵۰) متره اوږدوالی او (۶) متره سور لري، د لښتیو جوړول هم شامل دي. د یادونې وړ ده چې، په دې پروژه کې یو شمېر هېوادوالو ته د کار زمینه هم برابره شوې ده