د شپږمې او اوومې ناحیو اړوند د ګل باغ سړک د لومړۍ برخې د جوړولو او پراختیا چارې په دوامداره توګه روانې دي ترڅو قیرکولو ته چمتو شي. دغه سړک چې، (۳،۱۷۶) متره اوږدوالی او (۳۳) متره سور لري، د دارالامان له ماڼۍ څخه تر فیصل ښارګوټي پورې غځېدلی، چې دلښتیو، پلولارو، ګلدانونو، او د معیاري سړک د نورو برخو جوړول هم پکې شامل دي. اړوند مسئولین هڅه کوي ترڅو یاد سړک په روان کال کې په لوړ کیفیت او له تخنیکي معیارونو سره برابر جوړ او د ترافیکو پر مخ پرانیستل شي. د یادونې وړ ده چې، له فیصل ښارګوټي څخه تر ګلباغ پله پورې د دې سړک د درېیمې او څلورمې برخې تدارکاتي پړاونه تر لاس لاندې دي ترڅو دا سړک د کابل- لوګر تر سړک پورې په اساسي توګه جوړ شي