د کابل ښاروالۍ د کار، ساتنې او مراقبت ریاست له خوا له پرمختللې ماشینرۍ څخه په ګټه اخیستنې، د پنځمې ناحیې اړوند د کمپنۍ سړک د زیانمنو برخو د بیارغونې چارې روانې دي. دغه پروژه چې له تخنیکي او فني څېړنو وروسته پیل شوې ده، د ښاري زیربناو د ساتنې په برخه کې د کابل ښاروالۍ له مهمو کړنو او برنامو څخه شمېرل کېږي. د یادونې وړ ده چې، تر تخنیکي ارزونو وروسته به د ښار په کچه د یو شمېر نورو سړکونو د بیارغونې چارې هم ترسره شي ترڅو ښاریانو ته د خوندي تګ راتګ زمینه برابره شي